Pentref ar ymyl ddeheuol Parc Cenedlaethol Eryri, Gwynedd, Gogledd Cymru yw Dinas Mawddwy. Saif y pentref ymhlith y golygfeydd mwyaf trawiadol yn Eryri wrth groesi afonydd Cerist a Dyfi yng nghysgod bryniau Moel Benddin (543m) a Moel Dinas / Dre (478m). Mae ffordd yr A470 rhwng Gogledd a De Cymru ac o’r Dwyrain i arfordir y Gorllewin ar hyd yr A458 yn mynd heibio’r pentref.

Mae digonedd o atyniadau yn yr ardal, yn enwedig i’r rhai sy’n mwynhau’r bywyd awyr agored, gyda heicio, beicio, golff, golygfeydd, marchogaeth ceffylau, a saethu – i gyd ar gael yn yr ardal gyfagos. Gallwch fod ar y traethau gogoneddus ar arfordir gorllewinol Cymru mewn tua 20-30 munud yn y car. Neu i’r rhai sy’n hoffi her efallai y byddai’n well gennych ddringo Aran Fawddwy gydag uchder o 905 medr, Aran Fawddwy yw mynydd uchaf Cymru ac Ynys Prydain i’r de o’r Wyddfa ac mae  Cader Idris sydd yn 893m yn un o gopaon mwyaf poblogaidd Cymru ar gyfer cerdded bryniau.

Ond nid oes angen i chi deithio’n bell am dro da, gan fod Dyffryn Dyfi a’r ardal sy’n lleol i Ddinas Mawddwy wedi’i chroesi â llwybrau a hawliau tramwy ac mae mapiau o’r llwybrau ar gael yn lleol ac ar y wefan hon.
Bydd beicwyr mynydd yn gwerthfawrogi naill ai Llwybrau Coedwig Coed y Brenin neu Lwybrau Machynlleth. Dim ond taith fer i ffwrdd yw’r ddau ac mae yna lwybrau sy’n addas i deuluoedd a’r beicwyr mynydd mwy difrifol.